Restoran işi personal üçün gərgin iş olaraq bilinir. Pandemiyadan öncə belə iaşə sektorunda işçi sayı azalmağa davam edirdi. Hotellərdə və restoranlarda çalışan işçilərin müəssisədə qalma müddətləri ortalama 60 gün idi. Bir çox trend kimi bu problem də məhz pandemiya vaxtlarında daha da sürətləndi. 2020-dən öncə xeyli sayda işçi başqa sektorlarda yaranan fürsətləri dəyərləndirmək üçün ayrıldı və qalan işçilərdə daha yüksək əmək haqqı, əlavə bonuslar və digər fürsət gözləntiləri yaranmağa başladı.

Son araşdırmalarda çoxdandır bəlli olan bir problemin gerçək olduğu bir daha təsdiqləndi – təchizat zənciri məsələsi restoranlar üçün çətinliklər yaratmağa davam edir. Araşdırmalar onu göstərir ki, iaşə sektorunda olan sahibkarlar get-gedə artan təchizat xərclərini öz menyularındakı qiymətləri artıraraq qarşılayırlar. Şübhəsiz ki, təchizat zənciri problemləri restoranlar üçün ciddi sıxıntı yaradır. Bu, nəinki satışların və gəlirlərin itirilməsi ilə nəticələnə bilər, həm də marka reputasiyasına xələl gətirə bilər. Lakin müştərilər menyuda yüksək qiymətlərlə və boşluqlarla qarşılaşarsa getdikcə onları itirə bilərsiniz.

Günümüzdə robotları hər yerdə, ən azından restoranlarda görmək mümkündür. Bir çox xarici saytlarda “Robotlar sənayeni ələ keçirmək üzrədir” kimi başlıqlarla yayılan məqalələri görmək mümkündür. Robotlar hamburgerləri sobada çevirir, toyuq qanadlarını özləri qızardır hətta pilotsuz botlar və dronlar müştərilərin sifarişlərini ünvanlarınadək çatdırılması üçün istifadə olunmağa başlanıb.

Masa servisi xidmətinizi dəyişmək personalınız və qonaqlarınızla yarana bilən narazılıqları aradan qaldırıb xidmət keyfiyyətini yüksəltməklə yanaşı həm də iş prosesinizi sürətləndirir və sizə əlavə mənfəət qazandırır.